കാലന്‍

രാവിലെ എഴുന്നേറ്റപ്പോൾ

കയ്യും കാലും കാണാനില്ല!

ആരോ പറഞ്ഞു,

ഇന്നലെ കാലൻ വന്നിരുന്നു,

അയാൾ കൊണ്ടുപോയതാകാമെന്ന്.

കയ്യും കാലുമില്ലാതെ

പതുക്കെ നടന്നു ഞാൻ,

കുറച്ച് മുമ്പിലതാ,

കുറേ രാക്ഷസന്മാർ!

ഒരു ആംബുലൻസിന്റെ

ഉള്ളിലേക്ക് എത്തിനോക്കിയപ്പോഴതാ,

എന്റെ കയ്യും കാലും അതിനുള്ളിൽ!

ഞാൻ പതുക്കെ ഉള്ളിൽ കയറി,

എത്തിനോക്കി,

കയ്യും കാലുമെടുത്തു,

മുന്നിലതാ ഒരാൾ!

ഞാൻ ചോദിച്ചു,

ആരാ നീ ?

ആദ്യമൊന്നും അയാൾ,

തീരെ മിണ്ടിയില്ല!

വീണ്ടും വീണ്ടും

ചോദിച്ചപ്പോൾ അയാൾ പറഞ്ഞു:

ഞാനാണ് കാലൻ

കാലനെന്താ ഇവിടെ?

അയാൾക്ക് മിണ്ടാട്ടമില്ല

വണ്ടിയോടിച്ചുകൊണ്ടിരുന്ന

ഡ്രൈവർ:

അയാൾക്ക് നിന്റെ

കയ്യും കാലും പോരത്രേ..

പിന്നെ!

അയാൾക്ക് നിന്നെ

തന്നെ വേണം

കഷ്ടം!

അയാൾക്ക് എന്നെ

വേണമത്രേ...

എഴുതിയത്: മുഹമ്മദ് അമീന്‍ സി എം