ഉമ്മച്ചീക്കണ്ണ്

കുഞ്ഞോളും കുഞ്ഞോനും 

ജനിക്കുമ്പോള് 

ഉമ്മച്ചീന്റെ കണ്ണിലെ-

കണ്ണീരില് 

പുഞ്ചിരീലൊളിപ്പിച്ച 

പൊലിവ് പൊഴിച്ചു,

യെര്ട്ടക്കുട്ട്യേളെ 

കിട്ട്യേന്റെ ഭാവത്തില് 

പടച്ചോന്റട്ത്തേക്ക്  

*അൽഹംദേളെ ചാർത്തീർന്ന്,

ഹൃത്തൂമ്മല് പെര്ത്തൂന്തിയന്ന്

സന്തോഷത്തിലാണ്ടങ്ങ്

മമ്പൊർത്തേം

മടുവൂര്ത്തേം

നേർച്ചേലും കൂടീർന്ന്,

നാട്ടേരൊക്കേം

വിളിച്ചൂട്ടീട്ട്,

നേർച്ചപ്പത്തിരീം

കോയെറ്ച്ചീം

വെളമ്പീർന്ന്

കുട്ട്യേള്ണ്ടായന്ന് മുതലു-

മ്മച്ചി;

നാടിമ്മെല് താടീ-

മ്മൊളക്ക്ണ വരേം,

ഓരൻസരണക്കേടിന്റേം

കുരുത്തക്കേടിന്റേം

കറ്ത്തക്കുത്തേളും,പാടേളും-

മായ്ച്ചുതീർത്തു.

ഒരീസം പുലർച്ചേല്;

ഇമ്മിണിബെല്യേ സ്വപ്നത്തീന്ന്

ഞ്ഞെട്ടിയെണീറ്റ്

വിറച്ചീര്ക്ക്‌ണ ഉമ്മച്ചീന്റെ-

കണ്ണീന്ന് കണ്ണീരേള്

ഒലിച്ചേർന്ന്.

സ്വപ്നത്തീല് വന്നത്

"ന്റ കുഞ്ഞോളേം കുഞ്ഞോന്റേം

ഇര് മുഖങ്ങളേർന്ന്,

ഓര്മ്മച്ചീന്നെ

എതോ മൂച്ചിത്തടീന്റെ

ചോട്ടില് എറിഞ്ഞളഞ്ഞേർന്ന്.."

_________________________

*അൽഹംദ്-പ്രാർത്തന

എഴുത്ത്:

സൽമാനുൽ ഫാരിസി കൊച്ചന്നൂർ